اقتباس:
المشاركة الأصلية كتبت بواسطة سعد النفج
ابيات للتواصل ..
.
جرح القلوب و نغمة الحزن و الناي = كابوس لكن ما يفارق عيوني
يشعل بصدري ضيق و اعيش ضوضاي = رغم انطوائي بالحياه و سكوني
اجلس وحيد و سيرة الحب مركاي = و السالفه ذكرى الغرام و شجوني
عشت الغلا ضامي و انا ممتلي ماي = عاقل و عشته في مراحل جنوني
يكفيني انه مات لكن بذكراي = عاش و معه عاشت نسايم لحوني
جريتها رايح و جريتها جاي = و على ديار الحزن ساقت مزوني
على تبوك الورد و انساقت خطاي = صوب الحبيبه لو ربوعي نهوني
زرعتها ورده على روض دنياي = و اسقيتها طعم الفرح من غصوني
حرمت نفسي راحة البال برضاي = و اسرفت بالضيقه و شرهت متوني
لين الجفن من ضيقتي هاجر غضاي = و لين الحزن حدد مسافات كوني
و لين انتهى صبري على عظم بلواي = وشفت الخناجر من ورايه ودوني
|
سعد النفج اشهد شهادة حق انك شاعر
حاولت القى بيت اناقشك فيه لم اجد الا الجزاله بجميع البيوت سجل عجابي