بدون مقدمات ...........................
حسافه .. على الأحبـاب والربـع والأصحـاب=وأنا كنت أخوهـم .. كلّهـم .. طـول الأيامـي
أبـي وصلهـم.. والكـل منهـم.. يسـد البـاب=نسونـي .. وأنـا اللـي طيفهـم دوم قـدامـي
ولكن .. لي اللي ( لو يغيبون ) هـو مـا غـاب=لـي الله يعالـج جرحـي الـنـازف الـدامـي
هو الشافي .. الكافـي .. هـو الغافـر التـوّاب=يغفـر الذنـوب ... ولا يغـفـرون الآنـامـي
هو اللي تداريـه ( اللحـى ) وأطلـق الأشنـاب=هو اللي أمـر مـا ينقطـع وصـل الأرحامـي
هو اللي يلولا .. أمره .. اللـي رمـى مـا صـاب=هو اللـي بأمـره .. يرمـي ويخطـي الرامـي
أمرنـا وحـذ ّرنـا مـن اللعـب بالأعـصـاب=أمرنا...ووصّـانـا بتحـطـيـم الأصـنـامـي
أمرنـا وحـذ ّرنـا مـن الطـعـن بالأنـسـاب=أمرنـا بتقـديـر الكـريـم إبــن الأكـرامـي
أمرنـا وحـذ ّرنـا مــن النّـبـز بالألـقـاب=ونهانـا عـن الظلـم .. بقوانـيـن وأحكـامـي
هو اللي له التوبـه .. ويقبـل مـن اللـي تـاب=لو إنـه يهـودي مـا عـرف ديـن الاسلامـي
متى..كيف..وين..بـأي حاله..بـدون حـسـاب=ولكـن بشـرط .. إنّـه قبـل كتـم الأنسـامـي
ولأنه عظيـم الشـآن .. وصّـا علـى الشيّـاب=مـن الغـرب وإلا الشـرق وإلا مـن الشامـي
وقال : إن زعلت .. وضاق صدرك وصبرك ذاب=ترى الأجـر عنـدي .. لا تضيّعـك الأوهامـي
وقال ( إستروا ) ما قال فضح .. وشريعة غـاب=كما اللـي تديـن إتـدان .. ذا شـرع وإلزامـي
وأنـا ربّـي الله .. وإنـت يـا مسيلمـه كـذاب=تروح وتجي بإذنه ما هو بـإذن ( أبـو سامـي )
وسلامتكم