الشعر وفنون القصيد ومعانيه=والقاف وفنون المعاني ارساله
ارسالة الشاعر لمن كان يعنيه=للمستمع والي تفهم مقاله
اعني بها سامع كلامي ووصيه=اوصيه بتقوى الله جلا جلاله
خاف الذي كل المخاليق ترجيه=لا تعتصم الا في مثاني احباله
ومن جحد فضل الله بالك اتماشيه=ومن خان ربه ماتفيده اعماله
لو ارتفع لابد مالله يوطيه=خله يولي لاتعزز لحاله
وراع الخزاء والظلم والغدر والتيه=ياعل مافال الاجاويد فاله
ابعد عنه ثم ابتعد لا تصافيه=الظلم ظلماء والتمادي جهاله
والرجل له عقلٍ عن الناس يغنيه=وكلِ حسب عرفه يفيد ابمقاله
وبن ازويد بيناتً معانيه=مضرب مثل عند العرب في مقاله
قال الرجل دائم عليه المشاريه=والحمرة تدرك معيشة عياله
ويصار مابعض المسائل تمضيه=خله مع الديان تمشي لحاله
ومثل ابن منوه مع الناس توحيه=يقول في فرقاء المعاضب جماله
انشهد انه صادقٍ في معانيه=وانا بعد والله مصدق مقاله
من لا يودك جنبه لا تماشيه=ورزقك على اللي ماخسر من لجاله
والحر تندا بالمراجل يمانيه=ولاخير باللي شوفته قد حاله
ولاكل من هام المراجل قدر فيه=بعض العرب لو هامها ما قواله
والي فعوله بس ترديد ماضيه=قله لا يهدر مجد جده وخاله
وطيب الرجل مهو حلالٍ يربيه=من بار فعله مايفيده رياله
طيب الرجل فعله وشيمة بنيخيه=والصدق هو والدين مبداء الرجاله
وفعل الكرم وصل الرحم لا يخليه=ومدة يمينه مادرتبه شماله
ويبين في وقت الشدايد إلا ناصيه=مثل الجبل من جاه يلقى ظلاله
مرٍ على خصمه وحلو إلا دوانيه=والضيف هو والجار يدله بجاله
هذاك عسى الله يعزه ويغنيه=ويرحم ابوه وثم يصلح عياله