[احمد العريفي]

المناسبه:
عندما كان الوالد (يرحمه الله) مقيماً في مدينة عرعر كنت اعتقد انها أجمل مدن العالم وكذلك منزلنا فيها كنت اعتبره قصراً شامخاً وبعد وفاة الوالد بفتره قمت بزياره الى مدينة عرعر واكتشفت أن الصوره تغيرت بشكل جذري لانني كنت انظر الى المنزل والمدينه بمنظار الحب 0 وقفت امام المنزل (المهجور) استرجع الذكريات وهاجت قريحتي بهذه الابيات.
آمل أن تنال استحسانكم :

يادار كنتي جنتي من لظى النـار=واليوم مالك في حشا الصدر قيمه
غلاي لاهل الدار والا انتي احجار=من عقب ما راحوا غديتي عديمه
ما لك غلا بالقلب ياكـود تذكـار=ابكي إلى شفت الرسوم القديمـه
اتذكر اهل الدار واللي بها صـار=عقب العمار امست خرابٍ دميمـه
اثر الغلا يقلب حجر عرعر ازهار=يقلب عجاج الجو بالعيـن ديمـه
حتى سوافي رملها تصبح امطـار=تصبح كما غيـمٍ تناثـر رزيمـه
لجل الغلا تعمى عن العيب الابصار=وفعل الردى يصير بالعين شيمـه

احمد بن عبدالرحمن العريفي
(نديم المجره)