بسم الله الرحمن الرحيم
السلام عليكم ورحمة الله وبركاته
هذه القصيده كتبت في منتدى وتناقلتها المنتديات
ويشرفني ان اضعهاء في هذا الصرح الشامخ تشرفني ردودكم
الفكر جمع السحاب اللي تربع في سمايه=والمطر ابيات توصف من ذكرني ومن نكرني
والحياة سنين وشيخن في يده ماسك عصايه=مع تجارب عمره اللي انا نفسي تختصرني
مشيت بدروب المعاني لين ماحفيت اخطايه=وجيت اترجم ماحصل واحساسي القاسي جبرني
جيت اعلمك القرايه زين يااستاذالقرايه=والعذرمنك بوضح كيف انا حظي قصرني
لان لاخربت خسرت الاقربين ومبتغايه=خلني اكتب بدمي ويش هواللي عسرني
انااذخرك لزماني لاظلمني في خطايه=وقلبك الابيض انا ادري لونبض قسوة ذخرني
تدري ان اخر اماني قلبي يعرف وش غلايه=واخراحلامي اذا ان احساسي المتعب شكرني
وتدري كتم الحب ذل وشهقت العاشق جنايه=والرجاء اصل الجبانه والتقاليد تحشرني
وتدري قبل امس اني ارجف بس مدري وش بلايه=عشت حربن في ضلوعي والشكرلله نصرني
وتدري البارح عيوني ماغفت تقرا ورايه=البطل فيها توفى والشقاء بعده سهرني
وتدري احساس النهايه الحصيل من البدايه=وتدري وش بعد النهايه وغفوة الحزن تغمرني
اه يااحساسن اعيشه بعدلحظات النهايه=الالم بعد الامل في وسط حزني قبرني
اللي احسبه بصفي طلع ولاهومعايه=واللي عاشرته نساني واللي حبيته غدرني
والطعون اللي ذبحتني كلبوهامن ورايه =والغدرماهوشجاعه حتى لوانه كسرني
انا يقهرني اذا ان الظلم مطلب لاجل غايه=واناشفت الظلم مطلب وهذاهواللي قهرني
كنت اخبردروب بسمه جيتها وانا بصبايه=لكن البسمه تضيع في دروبي ماتخبرني
تدري وش لك بالسوالف بختصركل الحكايه=انت لاغبت السعاده والمشاريه تهجرني
وانا خايف يوم طيني ينفجرفي وسط مايه=خايف بيوم اتخير يااخسرك اوتخسرني
مشهور الرشدان