[محمد الدلماني]

السلام عليكم ورحمة الله وبركاته

عندي قصيده منقوله وودي اني اسمعكم هالقصيده وقصتهاا باختصار :


انه في بنت حظريه رايحه للبر مع السايق ( دريول ) وضيع السايق دربه

وهي عصبت عليه وهاوشته ( اشوى انها مو بدويه والا كان طاقته ومكمخته )

ولقت لها بدوي وهي طبعاا كاشفه وجهها واسالته عن طريقهاا اللي تبيه

ودلهاا على طريقهاا اخو النشامى ماقصر عز الله وهذي هي القصيده ,,,


( قصيده بين بدوي وحضريه )





الـــــــحـــــــضـــــــريــــــــه:
قلنا سلام الله يا راعي الرعيه ** وين الطريق اللي تودي للبلـد

معنا غشيم ما عرف قيمة خويه ** ضيعه بقفار مـا فيهـا أحـد


الـــــــــــــــبـــــــــــــــدوي:
يا هلا ويا مرحبا بالنرجسيـه ** أقلطـي فالـدار دارك والولـد

ذيك خيمتنا ولا أنتي بالخليه ** ولك أمان الله فـي يـوم الأحـد


الـــــــحـــــــضـــــــريــــــــه:
ما لنا مجلاس يا رجل الحميه ** مثلنـا لا غـاب لحظـه يفتقـد

غير ذالهندي عساه اليوم حيه ** لا عرف درب ولا هو اللي نشد



الـــــــــــــــبـــــــــــــــدوي:
إن جلستوا مرحبا ضيوف عليه ** وإن تعذرتوا معك طير السعد

ما يجوز الغصب لك وأنتي بنيه ** لاكن العوده ولازم من وعـد

الـــــــحـــــــضـــــــريــــــــه:
إن عطاني الله عمر ولي بقيه ** لازم أرجع مع هلي لك يوم غد

وإن تفارقنا تذكرك المطيه ** وجعل يخلفنا علـى ديـارك رعـد


الـــــــــــــــبـــــــــــــــدوي:
ليتني هندي معك يا الغشمريه ** وإن ذا الهندي في المفلا قعـد

ليتني وياك نرعى بالرعيه ** أو ليت قلبي خبل لا رحتـي هجـد


الـــــــحـــــــضـــــــريــــــــه:
الله يخليك ما ني ببدويه ** مـا نقصنـي يـا ولـد هـم ونكـد

دلنا على الخط دام الشمس حيه ** لا دنانا الليل ذالهنـدي رقـد


الـــــــــــــــبـــــــــــــــدوي:
ذاك دربك من ورا ذيك الحويه ** وأستري وجهك ولا تبديه أبد

وأن بغيتي تحطبي مالك لويه ** أجعلي بيديك حبـل مـن مسـد