الشعــر معنـى وقـاف واحسـاس واسلـوب=والجـزل يلقـى لـه مع النـاس هيبــه
محســوب منـي واعـتبر مـنه محســوب=عــــيبــه يعـيبــني وعيبــي يعـيبــه
انـا رفعتـه عن خـطى كـل عـذروب=هــو ظمنــي ظــم الحبيب لـحـــــبيبــه
مـا خـان تعبيــري ولا قصـر بنـوب=طــيـب وزادة جيـــت اليـوم طــــيبــه
على حسب ما كان مرجو ومطلوب=علـى البحـر والقاف قـلت ابتديبه
البـارحـه جفني عن النوم محجـوب=والصدر ضـايق والطبيعـه غريـــــبــه
جـوي كـئـيب وخـافي الحـال مقلوب=والليل طـول والثـــواني كـئـــيــــبــه
غـريب والخـطوه عـلى مفرق دروب=مهمـا انتماني مـوقعي ما انـــــتـــميبـه
ارفـض وجودي فيـه وارضاه مغصوب=رفضـي مصيبـه وان قبلتـه مصيبـه
عـزاي تالي الليـل مـع صكـة البـوب=ارسم لحالي عالمي واهـــــتنـــيــبـه
واغيب مـع ذكرى بهـا الشوق مصحوب=شــوقٍ بــوسط القلب خطرٍ يذيبه
لأجمل بـشر حبـه على القلـب مكتوب=لآخـر غـــلا لأول واخر حــــبيبـه
واطـهر غرام بهالزمـن مابـه ذنوب=حـبٍ عفيف ولا دخـل فيه ريـــــبــه
قلتـه بمعنى جـزل واحساس واسلوب=والجزل يلقى لـه مع الناس هـــيبـه