وليه أبكي على قلبٍ يعيشني على الإفلاس=سحب كل الرصيد اللي جمعته في محانيها
وليه أندم على حب نبع من كل هالإحساس=تجاعيد الزمن لازم تنسيني مآسيها
تفضل ياقلم واكتب بلون العز والنوماس=تفضل واكتب حروفي على أبهى معانيها
عزيز النفس لايمكن يوطّي هامته والراس=ولو كان الثمن غالي بشيكاته يخليها
أنا أقوى من الطوفان واقوى منك ياوسواس=ولايمكن يوقفني عن النجمات باغيها
أنا ناجح ولا ابين رسوبي للملا والناس=أنا أقوى جواد يعدل الكبوه ويلغيها
أنا فيني إراده تجبر الظالم يرد الباس=وأرقى في سما عمري وأتحدى لياليها
وش المانع أكون اللي صنع مجده وجاب الكاس=تعلى في منصاته وبسماته يغنيها
أبرفع رايتي وابقى على القمه وما أنداس=مثل نجمٍ تعلى فوق والخيبات مدنيها
وأبَحلم زيّ ما أحلم بلون العقد والألماس=أبحلم لين يلبسني وعزيز النفس يغنيها
مع تحياتي / أحمد حسن المرحبي (صانع الكلمة)