لاهب ذعذاع الشمـــالي برادي=يطيب جوالشعرعندي وكادي
لوسج فكري بالقصايد ماالومه=هاجس يسافر من بلاد لبلادي
ناديت زينات القصايد تعالـي = نقطف من فعـول العرب والجدادي
ماعنــدنا كود السنين الخبيره=ون ضيّعت اثريتها بجتهادي
تاريخ ربعي با المواثيق سُجـل = مايمسح التاريخ فعل النجادي
حنـا لنـا با القول والفعل جوله= ياجاهلاً يومنها با الهدادي
واناعرفت الطيب قبل يعرفني = فعول المراجل هي شرابي وزادي
مالي على بعض الرديين هقوه = اللي هدفهم يقطعون امتدادي
اخاوي الطيب واباري دروبه= لاطحت القى مسندي واستنادي
مادام فيني عزة ارجال وايل = كلام عشاق الحكي شي عادي
بعض الاسامي كل ابوها دخيله= ماتوطــي الشامـــخ بحسب اعتقادي
الحر يعرف من مرامي هداده= والا الردي دايم عن الدرب غادي