السلام عليكم ورحمة الله وبركاته ,,,
قصيده لها مناسبتها الخاصه ,, لــ شخص عزيز علي ,, أحببت ان تكون هنا ...
ياذيب لا تجزع من الوقت وتهاب=لك وقفةٍ يا ذيب محدٍ جهلها
لك وقفةٍ ياذيب تلوي بها ارقاب=الناس مثل الأرض وانته جبلها
غيرك ليا من جات حزات الانشاب=يبطي فعولك كلها ما وصلها
لو وقفوا ضدك جماعات واحزاب=اصحاب حسد وحقد وعقول بلها
تبقى علم ثابت لو ان الهوا هاب=كل الحمول الكايده تحتملها
وانته وريث المجد للطيب كساب=ونفسك على كسب المراجل عملها
حريبكم لا شافكم باللقا هاب=وعدوكم لا ذاق نعمه تفلها
عزيت نفسك عن مخادع وكذاب=ورفعت روحك عن دعاوي هملها
لا تحسب ان الطيب ينفع بالأذناب=ومكايد الشيطان ترجع لاهلها
ما دام لك روضة ومسجد ومحراب=روح بحفظ اللي عبيده كفلها
الله يديمك عز فعيون الاصحاب=والله يجيرك من بلاوي عللها
ياذيب راسك عايش فوق مرقاب=تبقى من ازحول الرجال وجملها
تحياتي للجميع . . .
,