[أبو غرام]

هههههههههههههههههههههه

انا قلت ما مر على نص اللي مدحني الا ناوي يطمر يمي
هههههههههههههههه

مار الله يحييك وابرك الساعات

^_^
.
.
.

يالله حي ناقد 1 ^_^


واسلوبك هنا حلو بصراحه ^_^

ماعليه
نرجع هنا للنص ...

- ياللي على الغبات كتفه دماره

والله ياخوك .. وانا اتكلم عن محيطي ومن هم حولي ..

فاللي حولي لو تقول لهم الجمله كذا

قالولك يقصد بها ان كتفه دمار على الغبات فهو يدخل بها ولا يهاب

والله اعلم ..
وانا مدري عن كيفية فهم الغير ولا احكم فهمهم

ولكن اعرف انهم لا قالوا : فلان كتفه على الغبات ضاري .. يعني كتفه قوي باس على الغبات
مو العكس
ومنه قس طال عمرك .. ان كتفه على الغبات دماره .. يعني يدمر الغبات ..
ولك علي ثاني مره ياطويل العمر .. اراعي فهم المتذوق للنص .. حتى ما يقول لي ثاني مره لا تتشتتني
مع اني اخبر ان الشعر فيه احيان تشتتيت .. وهو لايعيب النص .. ومع هذا ماشوف بالبيت اي تشتييت
بالعكس اخي الناقد .. واضح ع الاخر .. لكن ارجع واقول راح اكتب بلهجة غيري وبفهم غيري
حتى غيري يفهم اكثر مني بما اكتبه انا ^_^
وراح أرجع لمحيطي وأخليهم يغيرون أنفسهم لنتوافق مع محيط غيرنا وفهمهم ^_^

ولاتزعل يا ناقد .. يشهد الله ردي ليس ازدراء بقدر ماهو محاولة في فهم محيطك وكيفية تفكيرك

.
.

- ترجس على كبد المعادي شراره

ياخوي الرجس هي ضرب الشيء واطاحته بالارض بقوه

الله لا يرجسك في غياهب النار .. انا وانت وكل مسلم يالناقد .. واستغرب بصراحه تطبيحتك على هالامر
لأنه اوضح من الواضح .. والكلمه اصليه بعد ..
يعني حتى مافيها تحريف او تطويع .. ومتداوله يالناقد
فإن كنت انت لا تتداولها .. لا يعني بالضروروه عدم تداولها من قبل الغير

بعدين كيف ناقد .. وتقول إكتب : ترجس كبد ؟

ياخي شكلك صج منت عارف معنى كلمة ترجس ؟ الرجس وضع الشي على آخر

مو رفس ياناقدنا ^_^

مثل لما يكون عندك حطب ونار ..
فراح يقالك ارجس على النار من الحطب حتى تبقى حيه

مايقال ارجس النار

ياخوي .. مدري وش عندك بالامر هذا ؟

جد بديت اشك انك ترد من اول قراءه وما تتروى يالامير او ما عرفت معنى ترجس بالمعرفه الحقه

اووووووووووووووو بقلبك ياخوك شي .. مع اني والله يا ناقد 1 .. مدري حقيقةً من انت ^_^

.
.
.
-واللي لفا متوسد الغدر نيشان ..

اي من اتاك وهو مبيّت النيه للغدر .. فكان الغدر غايته .. اي نيشانه
ومنتهى طموحه ومراده ..والذي اتى وسعى من أجله
بصراحه : استغرب ايضاً تعقيبك هنا .. وكأنك لا تقرض الشعر .. إلا إن كنت مشتهي ترد
و تلقى لك اي شي ^_^ ..
.
.
.
- والنفس تتبع لكاره ..

هذي الجمله يا طويل العمر توضيح لما سبق وزبدة ما طرح قبلها من باقي البيت

فالبيت يقول :

من يحفر الحفره على مر الازمان .. ياقع بها .. والنفس تتبع لكاره

اعتقد الشطر واضح ..

فالشطر الثاني إجابة على الشطر الاول وإضافة أن النفس وكارها اي منهجها وطبيعتها او سياستها..
فاللي يحفر الحفره .. نوع من انواع الانفس ..
فإما يكون طيب او ردي او ذكي او حقير او اي صفه ..
والنفس تتبع طبيعتها التي سببت الحفر

بعض الحفر ناقدنا .. ليس سيء .. لذلك لا تكون نفسه سيئه
فمنه الحفر للإطاحة بالطريده ..فهو غير سيء إن كانت النفس غير سيئه واسبابها ساميه
لكن بعض الحفر يا ناقدنا .. لخبث لا أكثر .. فالنفس هنا تتبع كار الخبث .. وحفرها غير طيب

فانا اختصرتها بمقولة .. والنفس تتبع لكاره ..
والمثل يقول : كل نفس وما تشتهي ..
وماتشتهي هنا لا تعني الاكل طال عمرك

.
.
.

- واللي جهل في جوهريات الاديان = برد وسلامٍ ياعشيري بمفازه

وين الكسر ؟

الياء كسر ؟

انت لو قلت .. إحذف الياء وضع بدلاً منها الكسره

ممكن أوافقك واقولك صح ناقدنا .. أما كذا وبدون وضع كسره على الياء

اعتقد انت هنا .. خليت بكلامك البيت بلا معنى .. وكنه تلصيق وصف كلام

فاسمح لي بالاختلاف معك ..

فلو طاوعتك لكان تفسير البيت

برد وسلام ايها القاطن بمغاره ..

وانا لا اتحدث مع صاحبي بل كنت اتحدث عن الطرف الاخر
.
.
حيث اقول ان مغارة الطرف الاخر برد وسلام .. لأنه كذا وكذا ..
( وكلمة كذا وكذا اقصد بها الشطر الاول من البيت .. حيث جعلت الجواب متقدم )


ناقد 1

منت ملاحظ إنك ما طمرت إلا هنا .؟ وعند نص الاخ خلف ؟

ووش رايك .. بمقولة إيمان العرب بالمؤامرات ؟

.
.
عموماً نصح جميل نتقبله وإن إختلفنا معه .. والاختلاف في وجهاة النظر لا يفسد للود قضيه
طبعا اتحدث هنا عن نفسي وذاتي ...

ناقد 1

الحماسة التي أشرت إليها خاطئه ..
والمدح ليس بمستغرب ولله الحمد وليست بالمرة الاولى التي امدح بها شخص
او يتم مدحي

ومع اني لا اعرف الشاعر خلف لكن و واشهد الله اني اتشرف به وبمعرفته هو والطيبين
وبكل من عرفته على الطيب

ولكن الرد يكون طيب لما يكون حامي ..
واعتقد انه بمناسبة الموضوع - والذي يظهر بأنه لا علم لك به - كان واجباً الحضور الفوري

ثمّ أنت وُضعِت من اجل الشعر ليس لي ولا لغيري .. فانتبه لمفرداتك

ثمّ إننا لا نبحث عن النقاشات .. فالنقاشات عقيمه .. ويظهر أنك تريدها
ولكننا كنا نريد الحوار والخارج بفائده ونطمح له
والذي يظهر ومن خلال ردك وتعقيبك الاخير بأنك لا تطمح له
وشكراً ..