بسم الله الرحمن الرحيم
السلام عليكم ورحمة الله وبركاته
اقدم لكم هذه الجزله للشاعر الامير : محمد الاحمد السديري رحمه الله
واتمنى ان تنال على اعجابكم .
الله مـن هـم بروحـي سهجهـا=بخافي ضنيني في كنين الحشا لاج
احر مـن نـار توقـد وهجهـا=منها خطر روحي على سلك ديباج
وعينٍ عسى المولى يعجل فرجهـا=يفوح ناظرها كما عيـن هـدّاج
استرسلت للدمـع ممـا رهجهـا=غيظٍ يكظ اعبارها مثل الامـواج
كم واحـدٍ لـه غايـةٍ ماهرجهـا=يكنها لو هـو للأدنيـن محتـاج
يخاف من عوجا طوالٌ عوجهـا=هرجة قفا يركض بها كل هـراج
يقضب عليك المخطيه من حججها=حلوٍ نباه وقلبه اسود من الصـاج
الله خلق دنيـا وسابـع فججهـا=وعن مايريب القلب لك كم منهاج
والرجل وان شطت لياليك سجهـا=عسى تواليهـا تبشـر بالافـراج