اليـوم دام المـسـا تــوه تغنـابـك
اقرب مدامـك لحـن تشتاقـه اوتـاري
ابعزفـك للقصيـد الـلـي تسمـابـك
وشب لك داخـل بحـور الشعـر نـاري
واسمعـك مـا كتبتـه ليـن ( ينتـابـك
غرور ) واسمـع كـلام ٍ عـده اجبـاري
لاصرت انـا والقلـم والدفتـر احبابـك
يحـق لـك لـو تقـول ان الشعـر داري
ما قلتها قصدي انـي اكسـب اعجابـك
لكنـي بهـذي ادري ويـش مـقـداري
الصعب جذاب وانت الصعـب يزهابـك
وانا على الكايـده يـا عاشقـي ضـاري
وان جات للجد لـه لـذه تـرى غيابـك
شف ( بحة الشوق ) كيف تميز اشعاري ؟؟