لو خسارة حب قلبٍ لك اهديت=كنت احسب انك لي حبيبٍ نصوحي
وبساع ضاع الحب وعني تخليت=عقب الغلا والحب تطلب نزوحي
انا ادري انك مني اليوم مليت=ويلك من الله ليه سببت نوحي
يومك عرفت اني بحبك تبليت=تركتني تقول يابنت روحي
صحيح حبيتك وبالفعل بك ميت=بس الكرامه عندي اغلى طموحي
ببعد ولو فالبعد حرٍ وتنهيت=ببعد لو ان البعد ناره تفوحي
من خلقتي مذكر لشخصٍ ترجيت=اطا على قلبي واخفي جروحي
ولا بعد اذكر لحين تشكيت=اخفي سبب حزني وابين فروحي