البارحة كني على عضـم ساقـي=اقالب الجنبين عدي علـى شـوك
ونيت ونة غالـب البـال شاقـي=طريح قوم بينهم طـاح مشبـوك
ولا غريـق مخطـر بالغـراقـي=ينخى وعمرة وسط الأمواج مدروك
علـى عديـم مايطـب المتاقـي=يثني ورى الصابور والعج مسموك
وقع طريـح مخضـب بالسناقـي=هبيـت يـادور الأجـواد دامـوك
ماينعـي حــي وراة الفـراقـي=ولاينكرة بعد الرفاقة إلـي غثـوك
قم سو فنجال ترى البـال ضاقـي=فنجال يجلـي كـل هـم وداكـوك
لمحـلا مـزت سبيـل العراقـي=اصفر يجيك بلوذت التتن مفـروك
ودلال بيض ماغشاهـن حراقـي=وصينية يركض بها مثل مبـروك
وفنجـال بـن مقيـس بالقناقـي=ماحط مع بنة ولا الهيل مشـروك
إلي انطلـق يشـدا لـدم الفلاقـي=صبة لدسمين الشوارب إلي جـوك
صبة لمن يثني خـلاف السباقـي=في ساعة تلقابها الكـل مزنـوك
صبة وعدة عن خطـات الهلاقـي=يقلط على البارد ويقصر عن احوك