[عبدالله المعيوف الدهمشي]

عزاه يا نفس ٍ تناست أجلها=ولا استعدت له شراة الفطينة
راي ٍ يميلها ،، وراي ٍ عدلها=متمرجحه مابين ،، زينه ،، وشينه
إن أحسنت ،، مغرورة في عملها=وان اذنبت ،، تنسى خطاها بحينه
ان جيت ابا آمرها ،، يعيي كسلها=وان جيت ابا انهاها ،، جموح ٍ متينه
يشوقها للذنب ،، طول ٍ بأملها=ما فكرت بالموت لحظة سكينه
كم سوفت للتوب ،، تمرح وتلهىاا=ومن ادمن التسويف ذاق الغبينه
كم عاذل ٍ لي لا عذلني عذلها=ما فاد عذله والخطا ما تدينه
واا ثكل نفسي دام ذنبي ثكلها=يومه ذبح عمري وشوَّه سنينه
دنياً فتون ألهت عن الدين أهلها=كلن بوحل الذنب لطخ جبينه
يالله ياللي كل نفس ٍ كفلها=ياجازي ٍ عبدك على حسن دينه
نفسي تخالط صفوها مع وحلها=أدخل عليك ،، أللي لجا لك تعينه
لك يا إلهي آتشكي مللها=والناس لله همهم مشتكينه