بشويش ياتنهيدت الضيق بشويش=مابي تمر وتسمع شهاقي امي
مابي تجي ثم تسئلن ضيقتي ليه=وافز اكفف دمعتيني بكمي
وارسم على طرف شفاتي اثر طيش=وافتح جوالي كنه الحين همي
تطق باب لغرفتي وارجع اعيش=ي حشرجة صوتي وانا اقول سمي
تدخل وانا احس انها تدري ب ايش=تدري بأني جف دمعي ودمي
وتسأل تعشيتي واقول انتي العيش=وتوصل شواطي ساحلي قبل يمي
وتقفي وهي تعطي المواجع بخاشيش =وتدعي لي ودمعاتها ماتسمي
ياليتهم ماركبوا لي كذا ريش =ويالتيهم ماترفوني ب حلمي
لاقلت ابي صفوا لرغاباتي جيوش =ولاقالت مابي صار كل شي سلمي
ابيــــككككك كيف اقولها وكيف باعيش=وغيابك انت اكبر من حدود غمي
لا تقوول طولتي كذا غرتك ليش=طولتها اخفي دموعي عن امي