تعـال .... نِعد
كم قطرة مطر طاحت !؟
كم نسمة روح فاحت !
كم رغبه ماصحت فينا
. . . . . وصحّـتنا
وصاحت !
...... تعال نِعد!
في كل قطره
......... ( بوح) محتاج لْـ مدينه !
يغسل وجيه الممرات الحزينه !
يزرع في كل شارع ياسمينه !
ينتثر عطره ..... بقطره!
يااااه
ياصوت
المطر
مُغـــري !
.
.
تعال نِعد ..!
كم حرف يعيـش لاطال السحـاب
وكم قلب يموت
.... في كلمه صْغـيره !
مستحيل الحرف
..... يعلو من سراب
والاّ .. يستولي على احساس غيره!
فيه فكره تختصرنافي كتـاب
تبني الجمله على ( فكره شهيره)
تفتح الأحلام للأيام باب
ترفض الفكره أمانينا الكثيره !
إيـه .. تعال نِعد .. ونمد الكتاب
بين حلم وحلم أيام ٍ قصيره !
انت صوتك يـالمطربَـلْ التـُراب
وأنا صوتـي من رذاذك بـَلْ ديره
ياتجينــي روح يا جـيـلك عـذاب
يا أعيشك فيك لـاللحظه الأخيره !