اقتباس:
المشاركة الأصلية كتبت بواسطة مشهور الرشدان
بسم الله الرحمن الرحيم
ياجميل النوم بعيوني جـميـل = والبلا لي ساعتين احايله
كل ماغمضت جفني يالزميـل = قاد جيش الهم في اصايله
هذا حالي كل يوم وكـل ليـل = اطرد النوم الهني وخـــايــلــه
مثل من يطلب من كفوف البخيل = والبخيل يموت قدمه سايله
ولا من يطرد سراب المستحيل = راح عمره ماكسب له طايله
اه يادنيا العـنا حملي ثقــيـل = من صغر سني وانا اللي شايله
واه يالدنيا وانا عابر سبيل = نسـيت العــربان وش جــمايــلــه
الجهات اربع وانا مالي دليل = غير اناظر بالسما مخــايــلـــه
المزون احلام والمسرى طويل = والزمن فيني عمل عـمـايـله
اصعب احلامي مثل شرد الجفيل= من طردها يفتقد رحـايـله
واسهل احلامي مثل طلع النخيل = بالحصات تزول وقت القايله
|
صح السانك قصيده رايعه