قالت تعال بجنبي و جيت في صمت ..
...................... مثل الطفل علامة الشك صمته ..
يعني وش ابآ قول لوني تكلمت ..
................و انا ان حكيت احراج نفسي زهمته ..
جاهل و قبل اشوفها ما تعلمت ..
.................. قلبي من انفاس المشاعر حرمته ..
ما قصدي إني بالزمن ما تنعمت ..
................ لكن دروب العشق هذا سئمته ..
إما محبه ما بها ضيقه و شمت ..
.............. و الا اترك حلوم الهواوي و شمته..
واذا لقيت اللي تمنيتها و همت ..
................. و اسمي على جبينها قد وسمته..
و اللي تناديني و انا ما تولمت ..
................ فجأه ينادي شوقها لا عدمته ..
نفضت ثوبي و ارتخيت و تنضمت ..
............. و جبت الشماغ و فوق راسي حزمته ..
وساعه و انا اجمع كلمتين و تلعثمت ..
.............. و ضيعت كل اللي جمعت و كتمته ..
قالت وش اسمك؟ .. يوووه من جد تمتمت ..
................ سؤالها واضح و انا ما فهمته ..
قلت اسمي احمد لا فهد بعدها قمت ..
............. ادري ( سعد ) اسمي و لكن ظلمته ..
قالت اعرفك يا سعد ما توهمت ..
............... لا تغير اسمك و القصيد ارتسمته ..
قريت لك كم بيت يا مزعج الصمت ..
.............. قلبك من البسمات يا ما حرمته ..
ارفق بحالك و ادري انك تحطمت ..
............... حزين لكن كل شي ٍ هدمته ..
حتى ليا منك ضحكت و تقدمت ..
.............. يردك الماضي اذا ما لجمته ..
و انا بدون اشعور ضقت و تبسمت ..
.............. كلامها يهمني و احترمته ..
فجأه.. سكت و في شماغي تلثمت ..
........... و جمر المفارق بالمدامع شعمته ..
لم تكتمل و لكن لي عوده لهذه الأبيات ..