[المسيكي]

سلام عليكم جميع

ومسيتم بالخير ..........

.................................................. .......................................

عدّيت أنا مع فجّة النور بالقاره = والسد بحته يوم عدّيت نفنوفه
شفت الرسوم وقلبي مشتبة ٍ ناره =وذكرت خلّي يوم ناظرت بطروفه
خل ٍ تركني خلت من عقبه دياره =خذاه مني الوقت والدهر وصدوفه
والعين هلّت دمعها تسكب عباره =من يوم طيفه لاح قدّام واشوفه
وهذي هي الأيّام ياناس دوّاره = والوقت يمضي بين عدلات وجنوفه
أخذ حبيبي ونفسي اليوم محتاره = وشلون عقبه حالي اليوم منحوفه
والقلب من فرقاه مصرور بصْراره = يحنّ والشف لا ماشاف مشفوفه
يحن حن الخلوج مفاخته حواره = ينوح نوح الورق في راس شفشوفه
لا ياوجودي وجد من طاح بالغاره =أيّس نجاته وانطعن خمس في جوفه
من يوم ثار العجّ بالكون وغباره =رموه قومه وأيقن الموت وحتوفه
هذاك وجدي مار الأحكام لأقداره= ولو أتمنى هذي الأزمان وصروفه
وهذا الجدا لو قلت أنا النفس صبّاره =الصبر عدّا قناقه وزاد بطفوفه
وعزّاه ياقلبي من أوقات فرّاره= لو أقبلت لي أيّام اتعود بنكوفه
اللي حرمتني النوم والعين سهّاره = أناجي نجوم الليل بالقاف وحروفه
وتبقى همومي وعلّتي بي وأسراره = لو طال وقتي باقي الجرح ونزوفه
ويبقى المحل والرجم والدار وأشجاره = وكل المداهل والقراشيع وندوفه
خلان لي ولابد ماامرّها زياره = ولابد ماتي الرجم وأرقاه وأطوفه

وسلاااااااااااااااامتكم





فهد المسيكي