ياهل ترى للجـــــرح نجـّــاع وعـــــلاج = والا جـــــــروحــي هــي دواي وعــِــلاجي
آويــل حــالـي حـيــل يـاحـّــول مـحـتـاج = وكـم راح حـي(ن) قـبــل قـضــي الحواجـي
الارض وان جـاهـا بــراكـيـــن وامــواج = وتــزلــزلـت يـبقـى اغـلـب الـخلـق نـاجــي
بـس الـقـلـوب ان صـابـها هـرف واخلاج = مـن وضـعهــا مـالــه خــلاص وخــراجـي
وجـرح الهـوى اليا اعـطب الـقلـب وانباج = مـالــه عـلــى طــول الـزمــان انـدمــاجـي
واول مـقــــام الــحـب زل(ن) وديـبـــــاج = وتـاليــه حــوك وصــوك مـابــه هجـاجــي
واويــل مـن مشـيــه معــه كــان مـعـــراج = ثــم انـكـســر راعـيـــه كـســرة زجــاجـي
يـا مـا جــرى لـي فـيــه غـــــدوه ومــدلاج = أو خـلـــوة(ن) والـليــل سـاتـــــر وداجـي
يـا مـا مـضــى بـايــامـنــــا فـلــة حـجــــاج = هـو ضاق صـدر اللـي قبـيـلــه غنـاجي ؟
لا فــّـرعــت والــوجــه لـلـوجــه بـابــــلاج = يـطـغــى عـلـى مـن شـاف زود ابتهـاجي
أحــوه تـلـقــى مــن دفــا الــقــرب وهــــّـاج = والله دفـــــا مـــن دون أي ازدواجــــي
يـشـهــد عـلـي مــن زيـّــن الـكــون بـابــراج = انــه عــدال ولا لـحـقـهــا اعــوجــاجـي
والـيـــوم لامـيـــّـــــــس ولايـقــــال لــي راج = مـسـكـيــن حــالــي كـنـهـا حـال لاجـي
أشـكـي عـثـث جـرح(ن) عـثـى دون خــرّاج = لاهـبـت الـذكرى عـلى الـقـلـب هـاجي
يـاهــل تــرى بـعــد اربـعـيــنــي بـهــا افـراج = والا انـهـي الامـال واطـفــي ســراجي