يالله حيي في مدونتي ويالله حيهم في مدونت اوخيتهم تدرون عطونن امس اسم ياحلوه حلوه هذا ياطويلين الأعمار كانت السهره عند اميمتي طبعا مهاوي نوري وفوفو مناير مامي المهم تخبرون انا سني هلوقت صايرتن اكسر الخاطر وناقداتن على بهبال الوكاد هزئتني امي لانها طالبتن مني شغله وماسويتها لها شوي جلسنا نسولف عاد تخبرون جلست الحريم ياكثر السذب والسب والحش فيها كلن قام يدلي بدلوه الا انا تبون الصحيح ولا اسذب عليكم لا الصحيح اخير السالفه مواني عقلانه ومسويه يعني اني ماحب احش تحلمون السالفه اني اهوجس وعندي مشاكل ومشاغل ملهيتني عن كل شي خارج محيط اسرتي الزبده هن خاشات جو في موضوع وانا فجئة اسئل فوفو تهقين ؟؟؟؟ ويطالعن لي كلهن بنظرة تعجب تبوني سكت لا تخيلو شكلي ماسكتن يد فوفو واقولها امانه قوليلي ايه ولا لا تصدقون كسرت خاطر عمري وحسيت اني خبله ولا مجنونه والصدق بدال مايطمنن خوفي زادن الطين بلة وتعال يامن تضحك قالت مهاوي خلاص انتي من اليوم ورايح اسمس ايه ولا لا هزيت راسي اطرقت بنظرى للأرض وابتسمت ابتسامت الألم والأنكسار تدرون وش اصعب شي انك ترسم فرح كاذب على محياك كي يعيش به غيرك وتأنس به نفس غيرك انا يوم سئلت سئلت من خوف في نفسي كنت بحاجة بعض الأمان الذي افتقده بالفتره الحاليه بشكل موحش الوكاد صعب جدا انك تجرد نفسك من المشاعر والأصعب انك تترك العنان لها تسيرك كيفما تشاء خيره صح خيره يقولها لك غيرك كل امر المسلم خيره طيب ماختلفنا لاكن احاسيسك مشاعرك عواطفك عقلك هذولي كيف بتقنعهن ان الأمرخيره
ليس من آلعقل ..! آن تكون[عآقلآ]دآئمآ فـ للجنون لذھ آحيآنآ