لاهنت يادمع(ن) على خد رجال
لجت معاليقي من الجـال للجـال=واهتز قلبـي والقصايـد جفولـه
شفت السحاب وصادق الوسم همال=وتسابقت لجله حروفـي عجولـه
لاهنت يادمع(ن) على خد رجـال =هل وتحدر وانهمر فـي هطولـه
الدمع غالي وارخصه رحمة اطفال=تواضعت هامـة ملـك للطفولـه
مامال ابومتعب ولو ميـل إعقـال=رمز الطناخه والوفـا والرجولـه
يالله عساك بخير وسنينك إطـوال=ولك في دروب العز صوله وجوله