بسم الله الرحمن الرحيم
السلام عليكم روحمة الله وبركاته
قصيدة معاناة نوال العنزي
وجمعت لكم القصيدة منشدة بصوات كوكبة من المنشدين المميزين ..
أبيات القصيدة
ياهل القلوب الطيبـه والرحيمـه***** تعبت انـادي والبشـر مايـردون
تكفون ياهـل الخيـر لاتتركونـي***** اقل حاجه ياهـل الخيـر تدعـون
وانا دموعي سايله مـن عيونـي***** وحدي وكن الناس ماعندها عيون
عشت العمر والدمع مغرق ردوني***** من صغر سني يوم الاطفال يجرون
نقص المناعه حطم اجمل غصوني***** وتحطمت كل الاماني على الهـون
قصـت جناحينـي وماقـدرونـي***** ياما جلست وهم حولي يطيـرون
وللمدرسه راحوا وانا ماخذونـي***** ضاعت طموحاتي وهم مايـردون
ومر العمر وانا تزايـد شجونـي***** وكن البشر حولي حجر مايحسون
اسهر الين الشمس تطلع بكونـي***** وحدي وكل الناس حولي ينامـون
اشكي مع الجدران خابت ظنونـي***** وماغير دمعاتي يجـون ويسلـون
كني غريبـه والبشـر هملونـي***** وعلى جروح القلب عيوا يحنـون
حتـى بعـيـد الله لا عايـدونـي***** من مظهري ياناس قاموا يكشـون
ماحسـوا بجرحـي ولا قدرونـي***** ولا دروا ان المرض حيل ملعـون
ماعاد لي خاطر بشكلـي ولونـي***** حطم شبابي وطابت النفس بالعون
وابوي وامـي كـل ماناظرونـي***** بعيونهم موتـي ولـو مايقولـون
ماودهم وسـط العنـا يتركونـي***** ومافي يديهم شي حتى يسـوون
وانـا ليامـن والدينـي بكونـي***** يزيد جرحي كـل ماهـم يبكـون
واخفي جروحي علهم يسكتونـي***** وانا بقلبي حزن واهات وطعـون
تعبـت والايــام ماعالجـونـي***** وماظني ان جروح قلبي يطيبـون
طاحت حياتي ياعرب من عيونـي***** حيه وبي الناس جونـي يعـزون
انطر مماتي والبشـر منطرونـي***** وقلبي من الاهات والحزن مغبـون
مو باقـي الا بالثـرى يدفنونـي***** وعلي لامـن ادفنونـي يصلـون