صرت اتبعك ..
حتى الطريق يودّعك
لأنفاس تتبعثر دخون
والقلب يحتاج لحنين ويتركك
ومايتركك الا على ذاك الطريق اللي معك
وانت معه
.. صرت اتبعك ..
ومازالت اشيائي معاي وتتبعك .
ياللحظة اللي من خذت كامل سنيني
انا ارجووك ملتني إيديني
ومازلت اردد : طلتك ،فيها الفصول الأربعة
ومن الوجود اشتاق لإحساس الوجود بشوفتك
.. صرت اتبعك ..
وحتى السما تمطر حنين برجعتك
والأرض تزهروالفرح يزداد للفرحه معك
وانا هنا كل الوجود وأحتويك وأسمعك
وانت الملاذاللي رسمني حدود
وانت الكيان اللي عطاني وجود بصحبتك
.. صرت اتبعك ..
ياكامل اطرافي معاي .. ولاتشوف احدٍ سواي
ماغير اناوانت ولهفة شوق تتمادى تنادي أذرعك
وياويل قلبي من الحنين .. اللي ينادي هالسنين ..
وياكثرها عيون الليالي لاإنتهت ماشافتك
وتتعبني عيون النهار .. والإنتظار اللي ملى الشباك في مده يدك
.. صرت اتبعك ..
وانت الحنين اللي دعى العشاق في ليلة سهر
وانت جنوني ياقمرتشرين في وسط الشهر
والعام يبدا في سطر .. والناس تتمنى سكون الليل واللحظة تمر
وانت وانا وكل الحنين برجعتك
نشتاق
والدعوى بها عشاق
تتمنى مشاهدبسمتك
وانت الصور وانت الحكاية والدفاتر
وانت بداية فصل تأثيرالمخاطر
والسما والطير طاير والهوى والكل حاير
والجنون اللي خذاني منك والقاني معك
.. صرت اتبعك ..
ومايردع الطير الهوى
كود الحنين اللي خذاه يرجعّه
مما رااااااق لي