اسعد الله اوقاتكم بكل خير ..
اعتذر عن الغياب ولكن يعلم الله انكم على البال دائم"
ومتابع لاخباركم اول" بأول مع اخوي محمد المقبل .
اهداء للاخ / عمر غربي ( مصلح النشمي ) .....
والتي القيتها في تلك الامسيه الرائعه بشعرائها وحضورها ......
شطّب على مصلح بلا هم ياشيخ = عندي عمر غربي يساوي قبيله
حقه علي اجيه لو هو بمريخ = هي ابرك الساعات يوم اعني له
أخو وخوي لانوخ الوقت تنويخ = يكرب حزامه للحمول الثقيله
الصاحب اللي من حساب المطانيخ = الدهمشي طب الجروح العليله
ماهو من اللي لبخ العلم تلبيخ = اللي يضيق ان ضاق صدر الكحيله
في غيبتي لعداي سم" بذرنيخ = وفي غيبته لعداه غصب احتمي له
هو مسندي لاصار بالوضع تلطيخ = لاراح ابو وجهين واخطى الدليله
ماينفع المرضان كيّه وتمريخ= ولايستوي ( حاتم ) وكفه بخيله
فرقا وجيه" كسبها بس توبيخ= لانام ليل ولا اهتنى في مقيله
يذبح ويصلح لين تصفي على طيخ = ويرجع بخف حنين يطرق شليله
وامانتك لاجاك ابو بطن بربيخ = خبل" يدربيها على قل حيله
المهبد اللي يبتكر له صواريخ = تلفيق حكي ويدعي بالفضيله
قله ترا لو ينبت الظلع بطيخ = يبطي عظم هالراس ماينحني له
ولا انت لامنه بدت لازمه شيخ = شيخة ذراعك بالمراجل طويله
من رووس ربعك والرجال الطخاطيخ = دهامشه والسيل يجرف بسيله
اكبر فخر عرف الرجال المطانيخ = واني انا وياك نفس القبيله