الحمد لله بالسلامة ياغالي =مرت سليمة وأنت مومن بالأقدار
هذي مقادير العزيز الجلالي=سبحانه المعبود والنافع والضار
اللي جعل قدرك رفيعٍ وعالي=وأصبحت عندي لك معزة ومقدار
وياصاحبي في مقبلات الليالي=خل ما جرالك عبرةٍ لك وتذكار
اصحى من السرعة وخلك مثالي=وامش بنظام بكل روحة ومشوار
حذرى من التفحيط ومشي الهبالي=وخل المطارد عنك ذا لعبة النار
امش بركادة واجعل الفكر عالي=واترك مجانين البشر دام تختار
ترى الندم لا جاك مابه مجالي=ما تفيد كلمة ليت وتذوق الأمرار
والله عطانا نعمةٍ يا حلالي=نعمة ثمينة ما تقدر بالأسعار
تطوي مسافات القدم والليالي=تصبح بها بدارٍ وتمسي بها بدار
الموتر اللي ما يعرف المحالي=واجب علينا شكر علاّم الأسرار
هذي نصايح طيعها بامتثالي=إياك نعني واسمع القول ياجار
بقلم / عبدالرحمن الجابري الحربي ،،،
" شاعر عظيم المشاعر "