[صالح العرجان]

مساء مفعم بالمحبه


(( والسرور ))


اهدي لكم هذه الرائعه لــ مستور الذويبي


________ واتمنى تحوز على رضاكم___________

ماباقي إلاّ خمس ..فبـل أربعينـي=وبالاربعين الرجـل يبلـغ أشـدّه
ماباقي إلا خمس ..عينـك بعينـي=ماني بسامحلك لـو بنصـف لـدّه
يعنـي ليااسترسلـت لاتقاطعينـي=طبعي وراضي فيه لو فيـه حـدّه
ماجيت متنثـر وأقـول :اجمعينـي=ولاجيت دكتاتـوري أهـل المـودّه
ولاجيت لك طايح وأقول :ارفعينـي=عاشق متيّم دمعتـه فـوق خـدّه
جايك بحلمي علـم واستطلعينـي=يقلون:حلـمٍ تفتخـر فيـه بــدّه
إيه افتخر ..وأنتي بعـد شجعّينـي=تدرين ماأحلم حلـم مانـي بقـدّه
هـذي يدينـي للأمـام ادفعينـي=من فوق ضمّينـي إليكـي بشـدّه
وعلى الشفاة المترفـات اطبعينـي=ونّه لمن قاسـى سنيـن المكـدّه
ومن بين ضحكات الصغار اسمعيني=صوتٍ تداعى بين مزحه ..وجـدّه
وبقلوب عشّاق الغـرام ازرعينـي=همسات يفشيهـا حديـث المخـدّه
ومن فوق هامات البهـا ولّعينـي=مادمت واهب لك من العمر أمـدّه
وهزّيني أتساقط رطـب واقدعينـي=على حـدود رموشـك المستبـدّه
وإليا حصلّي مـا حصـل بايعينـي=وأوعدك مجدٍ ضاع لـك لاستـردّه
لاتسرحين بعيـد ..عينـك بعينـي=تدرين ماأحلم حلـم مانـي بقـدّه