يابا العيون الناعسات الوساعي=جيتك اعبر لو تكرم بالاسماع
مالأم جرحك بعض الاحيان داعي=يامن تسبب في جروحي بلا داع
المشكلة لو غاب جرحك تباعي=حتى بجروحك ياريش العين طماع
معذور جيتك والسبب بندفاعي=خلقك وخلقك كله ابداع ببداع
فاتن طبيعه والحسن فيك شاعي=كلي فدا جرحك وهمك والاوجاع
من وين ماوجه جميع المساعي=يقبل عليك القلب بالشوق منصاع
مجلس عروق القلب صوّت جماعي=وخذت الرياسه داخل القلب بجماع
قلبي رعيه وانت سيد وراعي=مسؤول فحوال الرعيه والاوضاع
احكم بشرع الله على كل ساعي=طوّر نظام الحكم مابين الاضلاع
دستور حبك نم عن فكر واعي=والشعب بامرك لو تاشر بالاصباع