لا لا يفيض الدمع ،، تكفين يمَّه=لا تبيِّنين لقاسي الوقت لينك
ما مثل دمع ٍ تنثرينه مطمَّه= كل المصايب فدوة دموع عينك
أشيل همك عنك ،، هاتي بزمَّه=أذوب انا ما اشوف قطرة جبينك
دام الوفا في صدر الايام ذمَّه=في ذمتي مايخون عمري سنينك
أنتي البشر ،، منتي بخاله وعمَّه=وانتي الهوا اللي يشمه جنينك
يومي صغير ٍ بين زمَّه وضمَّه=متلهف ٍ مابين لهفة يدينك
كنت الضنين اللي حنانك يلمَّه=واليوم صرتي لي ضنينة ضنينك