[محمد دعسان]

ماقلت لي شي وش خليت ما قلته
.......... .......... .......... اسكت وخل الكلام لجرحي الدامي

لو غيرك الي يسولف ما تحملته
.......... .......... .......... لكن على شان عينك هانت الامي

للحب مفهوم عمرك ما تخيلته
.......... .......... .......... ما اظن يستوعبه تفكيرك السامي

هذا الفراق الطويل وهذي اسئلته
.................... .......... هذا حصاد السنين وهذي ايامي

ياما وياما عليك البال طولته
................... .......... . والعمر عدى وانا عايش على اوهامي

حتى طريق الفراق اللي تساهلته
.................... .......... لقيته اصعب على نفسي من اقدامي

اصبر لي شوي لو دمي تثاقلته
.................. .......... .. بحاول استوعب اللي صار قدامي

الحب ضحكه بعينك بس ماطلته
.................... .......... عمرك بهالكون شفت ابسط من احلامي

القلب لو ما خفق لك كان ماشلته
.................. .......... .. ولو ما انت ملهم قصيدي جفت اقلامي

هذا قصيدي بعينك لو تجاهلته
................... .......... . ينزف على شان يروي قلبك الضامي

العام طاري غيابك ما تقبلته
................... .......... . واليوم حرماني اصبح مصدر الهامي

لاتعتذر لي وابنسى كل ما قلته
................... .......... . وش ينفع العذر لامن ضاعت ايامي
منقول