السلام عليكم ورحمة الله وبركاته
كتبت هذه القصيدة المتواضعة أتمنى أن ترتقي لذائقتكم
النـاس لامونـي يقولـون خلـه=قلت العفو ياناس ما أقـدر أخليـه
اللي على عرش الضمايـر محلـه=قلبي بدونه ياعرب كيـف اسليـه
أنا غرامـي والهـوى فيـه خلـه=من كثر ماهو يشتكي لي وأنا أشكيه
والله لـو فيهـا ثمانيـن عـلـه=إني لحطه فوق رأسـي وراضيـه
ماقـول خلـي فيـه مـاقـول لله=ماقول خلـي فيـه أوفيـه مافيـه
هذا الحبيب اللي أنا صـرت ضلـه=هذا الحبيب اللي إذا ضقت أناديـه
شف حالتي ياخوك أسـرع وقلـه=تجي تشوف الحال ميـت وترثيـه
صالح المزيني