بسم الله الرحمن الرحيم
السلام عليكم ورحمة الله وبركاته
كــانــك تقـدر واحــدن مـايـقـدرك
===== أنشـهـد أنـك مــاتعـرف الـرجــوله
لاصــار دايـم فـي كـلامه يـكــدرك
===== وغير الـردى مافـيه هرجن يقـوله
لو هو قريـب أتركـه وش يصبـرك
===== لو كان تكـسب مـن وراه السيـوله
وترى الردي فـي كل زلـه يقـاورك
===== ضـعيـف وضـعاف البـشر طبلــوله
وياشيـنها كانـه قصـيرن مجــاورك
===== وزودن على الجيره قـريب حمــوله
وليـازعـل عنـد المحـاكم يجرجــرك
===== وتعـطيه حـق الجـار سنـة رســوله
تصـبر عـلى شـينه ولاهـو معـبرك
===== ولا تـنفع الــشــيمـه رديـه فعــوله
وقرب الردي لو كنت طيب يدهورك
===== علــيك دايــم بـالـرجــال الزحـــوله
وترى الرفيق اللـي بهرجه يـوقـرك
===== خـله ذخـر تكـسب وراه الـعمــوله
دايم على علوم المراجل يـشــاورك
===== يشوش كـان أهـل الـوفـى وقفــوله
والطيب صعبـن مـايجـيلـك يــدورك
===== مرقـى عـسر مـاكـل واحــد يطــوله
أحرص على اللي لانصـيته يقــدرك
===== وتلـقى الرجـوله عـند راع الرجـوله