تطيح دمعة واسلـم للفضـا موقـي
وارفع يدين الذنوب وتظلم أعماقـي
اشوف قبري يمر بوحشتـه فوقـي
وتصير كل الحياة أضيق من أخلاقي
يانفس طالت ليالـي غيّنـا فوقـي
كم قلـت يالله وقلتـي تونـا باقـي
ياما سكت وتركت البـوح لعروقـي
أخاف أسولف وأخيب هقوة الهاقي
أخاف ابوح ويخون الصمت منطوقي
وأقول شي يحـث النـاس لفراقـي
يالله وأنت الملاذ إن مسني عوقـي
وأنا ذنوبي جهد من راسي لساقـي
يالله تغفر خطاي وترحـم وتوقـي
عظمي نهار الحساب وتقبل إعتاقي