ياخوي سمّعنـي مـن الشعرمـوال......
...... واترك سواليف العرب والعروبـه
ملّـت مسامعنـا تواريـخ واجيـال......
......مابالسوالـف يالسنافـي عـذوبـه
نصنع رجال الشمع صوره وتمثـال......
...... نظهر محاسنهـا ونخفـي عيوبـه
الله كـم شفنـا ممـثـل ودجــال......
...... جهّـال الامـه للمنابـر رقـوبـه
هذي سوالف ذكرهـا هـم واذلال......
...... وابو جهل ماظـن يجهـل ذنوبـه
سولف عن احلامي وحبي والامال......
...... دوبه يمـر الليـل خجـلان دوبـه
اللي معـه فكـري معنـا ورحـال......
...... يمـر لاهبـت نسـايـم هبـوبـه
قلي وش اخباره وقله عـن الحـال......
...... وعن شمسي اللي مقتفيهـا غروبـه
قله تحريته علـى ذيـك الاطـلال......
...... خيل وصلـه والسحايـب كذوبـه
مر الزمان وضج بالصـدر خيّـال
...... يطوي بقايا فرحتـي فـي دروبـه
اضنا ضلوع اللي من الهـم يكتـال
...... لهـم زاده واسـود الليـل ثوبـه
انـا مولـع والمقـاديـر تغـتـال
...... قلبٍ على سمـع المـلا عذربوبـه
ليت الهوى قصه قصيـره وتنقـال
...... ماكـان قلبـي صحبتـي نكلـوبـه
ولاكنت اداري بالعبث دمع رجـال
......وانكفت لوقلـب الهـواوي غدوبـه
جربت واثر الحلم زلـه وزلـزال
...... صبح على من يعشقونـه عقوبـه
هي مسآله درب ومشاوير واميـال
...... ليـا متـى ذنـب الليالـي نتوبـه
لكن اليا زالت طموحـات مـازال
...... عطفٍ من الباري ولطـف ومثوبـه
وان كان غصن الراك بالعاصفه مال
...... حنـا وقفنـا للـزمـان وهبـوبـه
|
الشاعر/ سعيّدالعمودي