هذه الابيات طلب مني الشاعر سلطان ان انزلها له في هذا المنتدى راكب اللي شركته رمـــزهـا القوه *** واردن جمــــرك مـن بلاد صناعه نزلوه بـــمعرضـــن واصــلـن توه *** جــا يـبـيـنه لـلــــدنانــيـر طـمـاعه لاتسهــل مـخـــــرج الخـط وخـلوه *** قام يصـــفق تايره صلف ذعـذاعه سـايقه وقـــت السفر مايبي خـوه *** يوم حــرك طـــارته زانت اوضاعه الدلـيل إليــابغـــا الـــــدرب مايتوه *** يستــريح إلياسمع لـجت اســباعه خمـــه اللي بالبلــد ماصفـــا جـوه *** عند ناســن للهــواجـيـس جـماعه ماشريت الجــــيب باغــيه لـحفوه *** غير لوقــــات اللــوازم ومـطـلاعه شف بالي خايعـن مـخـضرن دوه *** مـنـتـويــنن يمـــه البــدو نـجـاعه دونـهـم لـوحـالـت اهـبــاج ونـبوه *** لاولد تاجـــر ولاصــاحــب ازراعه منوة اللي مشتهـن شـوف تلـهوه *** بنت شيخــن للــمـعــالـيق مـزاعه ديرتن يمـشيه بالعــيـن مــحـلوه *** واللـيــالي عنــدهــم كـنـهـا ساعه اشـهـد انـه تـل قـلبي مـن اعـلوه *** تل قلـبي تلـت الـمـــوج لشـــراعه ياوسع صدري على ارضاه ياقوه *** كيف يامـــن والمـــقـاديـر قــلاعه اقتدي بسهيل ومشـي عـلى ضوه *** ون بغا منـا له السمـــع والـطـاعه كان بـراق الـمخايل صــــدق نوه *** ويـن قلبـــي يامــصيـفـه ومرباعه ياوسيع العـــين لـي راي ومروه *** لوتجـــيني كـــل اهـل نـجـد فــزاعه مابـلشـت بواحـدن ينقــل الــسوه *** الضــعيـف مصيبتـه قلـت اسـناعه مايحصل غــاية النفــس مــتفوه *** كود من هـــو يشري الزين ماباعه يذبــح العــاشق تلافــيه وهـدوه *** ون تكــــلم زادت النــاس لــوجاعه يصبر العـاقل إلياحـس بجفوه *** وهاذي الدنيا لهـــا الــــروس خضاعه ومن يجرب لين الوقـــت وقسوه *** طاع لظــــروف الزمن يوم ماطاعه الشاعر // سلطان مفضي العنزي