اقتباس:
المشاركة الأصلية كتبت بواسطة صالح الأسود الجعفري 
اقتباس:
المشاركة الأصلية كتبت بواسطة رابح الغضيان
بسم الله الرحمن الرحيم
السلام عليكم ورحمة الله وبركاته
ابيات متواضعه امام شموخكم
تشرفت بألقائها في حفل
زواج اخي الغالي
الشاعر والاديب خلف عبدالله الغريب الفقير
قالوو.. فقيري....
قدام لوساهر سهارى عوانيه=ولو دبلوها بالقسيمه قسيمه
على تبوك الورد لازم نسريه=اكتب على الطبلون دعوة كريمه
ان يسرالله بمشي الدرب بمشيه=دعوة خلف واجب وحق وحشيمه
البعد مايثني عزومي انا اثنيه=دافع ولا ماهو بدافع وليمه
يم الذي بيته على العز بانيه=والطيب ساسه والعوايد مقيمه
ابوفهد لاجابـوا الناس طاريه=كلمة نعم بأسم الفقيري لزيمه
عبدالله غريب نجله ونغليه=فرض مكانه بين قدرٍ وشيمه
حبل الكرم ماسك عليه بأياديه=ويمناه بالجزلات ماهـي عقيمه
الجود مايمشي معه منخلق فيه=وماخذ على بـرج المراجال تميمه
وعقّب حرارٍ بالمكارم تـباريه=حرار صـيـد وللعوالي مهيمه
ونجله ابو خالد بعيده هقاويه=اديب شاعر والمبادي سليمه
سمي خلف يعيش عودٍ مسميه=سلايل الفريـس قوم عظيـمه
حرٍ عمر وكره على راس عاليه=انا اشهد انك يالفقيري صتيـمه
الطيّـب الوافي نعزه ونغليه=عرفه فخر يوم النديم لنديمه
والّا الردي ماطيق قربه ولا ادنيه=لو يتقرب قلت ذب الخريمه
والجود لو يـشرى هـواميـر تشريه=مار الكرم يبـغا ايادي كريمه
من كثر ماقول الفقيري وانا احكيه=قالوا فقيري قلت واكبر غنيمه
ربعي من اشراف العرب يامعاديه=فقيـر لاصاح الغريم لغريمه
لازغردة بنت الشيوخ بعزاويه=تلكد على بنت العبـيه وريـمه
عدوهم نومه من الظيم جافيـه=يخشى السباع الجايعات الضريمه
وضلال للي لاهب اللّال شـاويـه=ولضد نار وللموالي حليمه
تبيع في سوق الشهامه وتشريه=ودخيل ركن البيت محدٍ يـضيمه
فقير وإلا جعفري يالمنابيه=اعيال وايل يالعقول الفهيمه
يوم الحدود الشلف والسيف يحميه=نقطف ثمر درعا ونارد رحيمه
جنبهن الويلان والوسم تنبيه=لاتقترب ترى العواقب وخيمه
حتى البحر غصناه نملك موانيه=ملوك بالبحرين دوله عظيمه
ويلان حاضرها امتدادٍ لماضيه=الله خلقنا اسياد عز وعزيمه
تاريخنا حتى العجم ورّخوا فيه=ماهو مسلسل بين وافي وشيمه
وكل وعام وانتم بألف الخير
رابح الغضيان
وعليكم السلام ورحمة الله وبركاته
ومبروك عرس خلف الغريب
ويستاهل ماقلت فيه
حاولت اقتبس بيت شامخ لم اجد
فكل النص شامخ بشموخك الرائع
اسمحلي اقول لك انت
(ملك الابداع )
فانت دايم مبدع في شعرك وحضورك
صح السانك وكل عام وانت بخير
دمت بخير
هلا وغلا بأخي الغالي
صالح الاسود
ممنون لك اطرائك العذب شرفتني لاعدمتك
وماعليك زود ياعزوتي
صح بدنك لاهنت
وكل عام وانت بالقرب
محبتي واحترامي