الله يعطيك الف عافيه اخي/ جلال الدرعان
على المواضيع المميز والطرح الرااااقي
مماقيل بالصمان من القصائد الكثير..يقول الفارس والشاعر
مسلط الرعوجي
المسعد اللي ماسرى الليل حشاش
،،،،،،،،،،،،،،، عقب الحيا ياطا على كل منقود
يابن مهاوش كب حمسات الادحاش
،،،،،،،،،،،،،،، ترى حمسلت البلايل تجي سود
قم سو فنجال ترى الرأس منداش
،،،،،،،،،،،،،،، ياشوق من قرنه على المتن مرجود
ولقم بدله مولع كنها الشاش
،،،،،،،،،،،،،،، وبهارها مقدار خمسة عشر عود
والهيل حطه لاتدانا ولاجاش
،،،،،،،،،،،،،،، ومن الزباد اقنه على شذرة العود
أبيه رسم للنشاما عن اللاش
،،،،،،،،،،،،،، واللاش لافايد ولاهو بمفيود
الطيب سندا والردى ذاك ملاش
،،،،،،،،،،،،،،، واللي يريد الطيب ماهو بمردود
لذة الدنيا معاميل وفراش
،،،،،،،،،،،،،،، وصينية يركض بها العبد مسعود
وياماحلا وأن روحن حس الادباش
،،،،،،،،،،،،،،، صفر ومغاتير ويبرا لهن سود
مرباعها الصمان تبعد عن الطاش
،،،،،،،،،،،،،،، ومقياضها دخنة ليا صرم العود
وصفرن يلوحنه على كل مهباش
،،،،،،،،،،،،،،، ياماحلا بيدينهن قاسي العود
في رفة يشبع بها كل هتاش
،،،،،،،،،،،،،،، ويفرح بها اللي من دنياه مضهود
ومن لايروي شذرة السيف لاعاش
،،،،،،،،،،،،،،، عسى عليه مورد الجيب مقدود
ويقول الشاعر/ غازي بن مناحي بن سويد المقاطي العتيبي
يامل قلبا كل ماقلــت يرتاح = عادة له الذكرى وعفت الحضارة
لاهيب شف لي ولانيب فلاح = ولانيب بشاوي يحوش جفارة
ان هواي عصير في راس لولاح = وبوش تهايفلي بتالي نهارة
بدوا لهم جولة على خف وجناج = شماال والاباليمين انحدارة
اخذت لي معهم على الراي ملفاح = لابكر الوسمي ونجنج خضارة
اتبع هوى ملحا لها البال ينساح = طويلت النسوس هزع الفقارة
يسرح لها قلبي مع البوش مسراح = واهدي لها روحي ببرد وحرارة
عدولت الضيفان لاجوك مرواح = يبون سمك رغاتها في الغضارة
ماهيب فيد الي خذوها بالارباح = ماخوذتن بالسيف يوم النمارة
مرباعها الصمان والصلب لافاح = ومصيافها الصاقب وخشم الزبارة
يوم المراجل بين سايب وصلاح = حنا على الاول نسوق البشارة
واليوم مالي مع هل الشول مشواح = ربيب دار ومهنتي فالامارة
اجمع كروت ودها قصر الافراح = وخلك مع التيار رهن الاشارة
وليازعلت اصبر وللصبر مفتاح = لاشفت ناس ماتعرف الصقارة
ناس تبيع وتشتري شاح مالاح = وتاخذ على المقفي ثمانين غارة
الصبر للرجال ناموس وسلاح = وعشرتك للطيب تراها تجارة
والرزق عند مدبرالكون ماباح = ماهيب بالقوة والا بالشطارة
واخذ الحذر قدام هدام الارواح = قدام يوم فية ربح وخسارة
دنياك لوتوريك ضحكات وامزاح = لابد مايرجع حلاها مرارة
ياللة انا طالبك مع فجر الاصبـاح = من خوف نارك ذلة بانكسارة
تحط لي من دونها ستر وسناح = ومن رحمتك تضفي علي الستارة
وصلاة ربي عد مابارق لاح = على رسول بالمدينة زيارة