السلام عليكم ورحمة الله وبركاته
هذي قصيدة قريتها بس للأسف مدري منهو شاعرها : (
<=== دوروه أنتم عاجزه أروح قوقل
هي قصيدة فكاهية من عنوانها
يتغزل في المتينات (البطوطااااااات)
يقول في القصيدة :
آه مـن قلـبٍ تولـع بالمتيـنـه = وزنهـا 90 كيـلـو يابختـهـا
متنها يعطي حلى والعقـل زينـه = والسوالف كـدرر لامـن حكتهـا
الرزانه بالعشـر ابصـم رزينـه = والـدروب العـوج لله مامشتهـا
فاهمه ماهمـا الطيـش وسنينـه = والدراسه ناجحـه فـي مدرستهـا
ان تثنت مانـي قايـل ياسمينـه = وان مشت تهتز الارض اللي تحتها
وصوتها لامن حكت تسمع ونينـه = ودمها شربات محلـى سويلفتهـا
تكره البنطـال والجنـز وتدينـه = لبسها ضافـي ولايـق لطخمتهـا
وشوف عيني يوم هوشتها ذهينـه = امسكت وحده نحيفـه واسدحتهـا
النحيفه مـن بـدت هـي اللعينـه = يوم قالت انتـي دبـه واشتمتهـا
وامسكتها بنت أبــوها هالسمينـه = وابركت من فوقها ليـن اغفصتهـا
مقديـه بالبنـت خلتهـا عجينـه = احذرن يالبيض ويل اللي ابتلتهـا
لايمي عسى العمى يمسـي بعينـه = ظالمٍ بخته وهـم ضالـم بختهـا
جيتهـا واشوفـهـا دره ثميـــنه = وياعذابي يـوم غرتهـا اكشفتهـا
وسلامتكم
صح لسان شااعرها اللي مدري منهووو
الظاهر اللي دبا الحين بتشووف نفسها علينا
أتمنى تعجبكم
..
دمتم بخيـــــــــــــر