الشعر تعبير ومواقف . وتفسير
لهموم شعب ٍ .. زاد وابل عناها
يعني رسالة .. بالحوادث وتصوير
واسماع ناس ٍ ماتجاوب نداها
ماهي سوالف بالنهاية وتخدير
الا حقايق ترتفع في مداها
يعني أمانه في صدور الشواعير
وكل ٍ يشوف امانته من عطاها
واليوم ذبح وموت فتنه وتفجير
وحكام تقتل شعب كانت ذراها
لا فيه لا ذمه ولا بالزمن خير
ان ماتكلمنا وبحنا خفاها
الشام تصرخ من حفيد الخنازير
بشار يحرقها ويهتك حماها
دارت دواليبه ومالت عن السير
وخطة ابوه اليوم يتبع خطاها
يهدم مساجد ويتعدى المحاذير
وبعد الكفر جريمته وش وراها
اطفال يوم العيد ماتوا طوابير
الاذن تسمع والنواظر تراها
ايران تضحك له وترسل عصافير
وتقول طهر حوزتك من خزاها
بانت ملاعيبٍ وبانت حزازير
وطاح الغطا عن من سترها غطاها
والشعر تعبير ومواقف وتفسير
لهموم شعب ٍ زاد وابل عناها
كيبورديه
تركي فلاح