سار القلم والفكر يملي بالأمثال
............أمثال يالي ترغبون التماثيل
هم(ن) بصندوق الحشا قام يجتال
...........بيح خفاي وبذني بالغرابيل
ياما روالي عن حكايات وأهوال
...........مواعظ(ن)تظهر قلوب الرجاجيل
أشوف منهاالضيم والضيم قتال
...........وبعطي لمن ينشد عن الحال تفصيل
ماتنفع الدنيابلا دين وأعمال
...........يابيعة الخسران عقب المحاصيل
من يامن اللي هي كما فخ حبال
...........لازم تصيده محكمات المحابيل
غدارتن دوم(ن)على الناس تحتال
...........احذر ترى دنياك ورد وسماليل
الحظ مايخفاك حاله إليامال
...........ومن عادة الدنيابهاالعدل والميل
مااسرع تجي باقفايهاعقب الإقبال
...........طبع الليالي مقفياتن مقابيل
مسكين ياابن ادم بهاغافل(ن) سال
...........متناسياَََََ مايذكر النار والويل
لابد مايرديه قصاف الآجال
...........ويزول عن حله بليا مداخيل
واليوم ياراع النبا طيب الفال
...........يامن هواه المرجلة والمشاكيل
واختامها ياعالم(ن) غيب الأجيال
...........ياالله بحسن الخاتمة والتساهيل
|
للشاعر/ مقبول الشلوي