صبحكم الله بلخير شخباركم علومكم شخبار حبايبكم وخلانكم يالربع قبل شوي انا ومشاعل نحش فيكم واحد واحد بس ابن هندي هذا صديقنا يخوف منو يحش فيه المهم قلت لمشاعل تخبرين يوم ازمة الكويت بعلمكم هذا الله يسلم متابع ركني الكريم كنا ساكنين في حفر الباطن ولما اشتد الحرب هناك ذبحتن انا واهلي الشراديه وقلنا وينك ياالأرطاويه المهم ونروح هناك ساكنين ببيوت شعر الوالد 2من عمامي وعيال عمي يشتغلون وعمي الكبير عندنا عاد وين ماتلفت يمين يسار تحصل عرب كان عندنا ارنب صغنون شحلاته يشبه الارانب وتوزيه الوالده الله يطول بعمرها بسينا عليه لين شبعنا على بالنا انه بمزرعتنا بلحفر لما بنو البيت وخلصو امورهم طلعتوه لنا ياكثر فرحتنا ازود من فرحت تحرير الكويت المهم مسمياتوه ارنوبي يقالنا ندلعوه ابو الشباب مشاعل اكبر شوي يعني افهم مني تبني بيوت حق الارنب ولما نخلص يقالنا مسويات برنامج تلفزيوني نقدم همين الي عليها الدور حملت الارنب ولمتوه على صدرها وغنت عليه الاصوات اجار الله القاريء الكريم نشآآآآآز مير القوافي ضابطه معنا الشطر الوحيد الي حافظتوه بوبي وارنوبي اخوتن صغار بوبي يسليكم وارنوبي يواسيكم كان مونسن وياملحوه الوكاد بعد فتره وتمرض احتي الكبيره ام عبدالله ويودونها المستشفى وعيالها قصدي الدركولا تبعونها بسون عاد اميمتي الله يعافيها جتني يافلانه يوليدي خلي ارنوبي يجلس عند عيال اختس غديهم يسكتون وانا لاوالله بعدين يذبحونه المهم بعد محاولات تكللت عملية الاقناع بالنجاح ورحت خيمتهم وديت الارنب لهم الصباح لما رجعوه الدينصورات المتوحشين جابو رجلوه مكسوره وذيله مقطوع سان اروح حقهم ابي اطقهم الخايسين شحقه سوو فيه كذا فكتهم جديده الله يرحمها على العصر مآآآآآآآآآآآآت ارنوبي انا ابسي مشاعل تبسي مهاوي تبسي صياح من قلب بعدها رحنا بعيد عن البيوت ونحفر حفره وندفن فيها ارنوبي ونصلي عليه لابسات بيجامات وشعورنا طالعه وبنص الصلاة نبسي ندعي وحنا ناشق ونشاهق ياربي بوبي يدخل الجنه ياربي بوبي مايتعذب توته توته خلصت الحتوته قضينا من سالفة الارنب وبعود لكم بسالفة خروف العيد عما قريب
ليس من آلعقل ..! آن تكون[عآقلآ]دآئمآ فـ للجنون لذھ آحيآنآ