ضايقٍ صدرك وانا مثلك ابضيق=كف دمعٍ فوق خدك تهمره
دمعتي باسباب دمعك جت تويق=غطت الاوجان والليل اسهره
الزمن حملك في ما لا تطيق=والفرح جو الكأبه كدره
كلنا وياك في نفس الطريق=كل مانملك حبيبٍ نخسره
عايشين وداخل الخافق حريق=وكل حرمان الخلايق نشعره
انت محرومٍ من امك لك شهيق=وانا حرماني من الله قدره
لك باكون الام ولا ودي افيق=حلم ودي به من اسنين انطره
حط همك وسط قلبي لاتضيق=وانا عنك الهم والحزن اصهره