البارحه ضاقت علـي الأرض مـن كـل الجهـات = وأمسيت ازايم عبرتي وأحـط مـن همّـي وأشيـل
تايـه وأهيـم بكـل وادي بالليـالـي المظلـمـات = والرجل خانتها الخطى وضـاع المقـدى والدليـل
أمدهـا وأردهـا وتجيبنـي مـن حـيـث جــات = وأن جيت أعدل ميلهـا مـن كيدهـا قامـت تميـل
لكـن انـا عنـدي طمـوحٍ فالليالـي المقـبـلات = مشفي شفاة اللـي حـداه الوقـت للكـف البخيـل
كـان السنيـن المقبلـه مثـل السنيـن المقفـيـات = عـز الله انـه ماحصـل منهـا كثيـر ولا قلـيـل
الا الشقى ,, واللي بقى ,, هم الجـروح الخافيـات = اللي ورى حدب الضلـوع يشيلهـا القلـب العليـل
من صاحبٍ حبه رسى,, وأقفى وعرّضني الشمـات = وصله محال ,, وحال دونه حول والليـل الطويـل
جنيـت منّـه بالزمـن خمـسٍ وعشـرٍ موجعـات = مع مثلها ليـن استحـال الحـال للوضـع الهزيـل
اليـا تذكّرتـه ,, تذكـرت الـثـلاث الفاجـعـات = القبـر والمـوت المحتّـم وابتلـى فرقـى الخليـل
كم لي على ذا الحال ساكت وأحسب أن كثر السكات = يمحى الغلا اللي في خفوقي مايبـي غيـره بديـل
ياغايتـي هبـت ريـاح الوقـت عكـس الأمنيـات = وانا معك مالـي حصيـلٍ يـوم كـلٍ لـه حصيـل
غيث المزون اللي تهلّـه سـر مـن سـر الحيـاة = وانتي من أسرار الخفـوق اللـي فراقـه مستحيـل
لوني على نهـرٍ مـن النهريـن دجلـه والفـرات = ماينقطع منهـا ظمـاي ويصبـح المشـرب ضئيـل
جفـت عروقـي والظمـا يبّـس لسـانـي باللهات = وأنا ظماي اللـي لحقنـي منـك عـذب السلسبيـل
تعال ,, وأفهمني ,, وفهّمني ,, وأبـي علـمٍ ثبـات = لاتتخـذ طبـع الغـرور وتاخـذ العـزّه سبـيـل
أما حصل ,, حب وغلا بيـن القلـوب الصافيـات = لاخيـر فـي حـبٍ يهيـن القلـب ويحطـه ذليـل
يامن تحلّى بالحلـى وكـل الوصـوف المغريـات = فـر يـد حسنـه بالملـى مالـه شبيـه ولا مثيـل
يابو العيـون اللـي هدبهـا فـوق خـده سابحـات = لا واعذابـي لاتكاشـف برقهـا بأطـراف لـيـل
كنهـا تشاورنـي علـى موتـي بحـد المرهفـات = الله يرحم مـن قصـاه الحـب والرمـش الظليـل
والمـوت سنّـه للبشـر والحـق ماعنّـه فــوات=محـدٍ مخلّـد فوقهـا لوعـاش لابــد الرحـيـل
وكـلٍ علـى قـد العمـل والباقيـات الصالحـات = مامدتـه يمنـاه تاخـذ كـثـر مايعـطـي قبـيـل
آمنـت بالله والمثـل شـر البـلاوي المضحكـات = والعقل نعمه من عطا الرحمن ذو الفضـل الجليـل
ياصاحبي أطلـع علـى روس الجبـال الشامخـات = لا تلتفـت فـي كلمـة المطفـوق وعلـوم الهبيـل
اللـي يغرنّـه الامـور ومايهمّـه غـيـر هــات = لو شفـت زولـه آدمـي لكـن قلبـه قلـب فيـل
أهل القلوب اللي ملاهـا حـب قـذف المحصنـات = أعـوذ بالله مـن شـرور النفـس والذنـب الثقيـل