مـا كـل مـن يمـشـي عيـونـه تقـديـه
كم مبصـرٍ يمشـي مـع الـدرب تايـه
يتبع ميول النفس وابليس مغويـه
متـوسـلٍ بالـكـذب مــن شــان غـايـه
ولو كل راعي كذب تمشي حكاويه
كــلٍ صـنـع لــه بالـحـكـاوي روايـــه
واللي يقول ويحسب القول يكفيـه
قـصـده يـسـوي بالمجـالـس دعـايــه
لا بـد يـومً يكشـف الـوقـت مــا فـيـه
ويبـيـن قــدم الـنـاس فـعـلـه ورايـــه
وتعكس صعيبات المواقف خوافيه
مـثـل مــا تعـكـس للوجـيـه الـمـرايـه
امــا يحـقـق بالـهـدف يــوم يرمـيـه
والا بــلاش مــن الـهـدف والرمـايـه