ياوجد حالي وجد طفلٍ على ابوه=خلاه من بعد الدلع والدلالي
من مات ابوه الزوج للام زفوه=والزوج ظالم مايريد العيالي
عند العمام لجاير الظلم خلوه=والخال قاسي مادرى عنه سالي
يهل دمعه كل ماجف بكوه=ضاقت عليه الارض والحظ مالي
باب الامل في و جهه مسكين صكوه=قام يتذكر حلو ذيك الليالي
على حبيبٍ قلبه اليوم قسوه=وابعد وفي قلبي من البعد صالي
ماهو رخيصٍ لو جفاني ونسوه=اللي عطيناهم علينا المجالي
يسيل دمعي كل ماعندي اطروه=ياوجد روحي له وياشيب حالي
باب الرجا في وجه مغليه صكوه=يبقى ولو مات الامل دوم غالي