بعدك عن اللي مايعـزك معـزه
...............وصدك عن اللي يعتني بك ردى منك
اللي يعـزك لازم انـك تعـزه
..................وتعلن معه طول الليالـي تضامنـك
لصار في لازمك عجـلٍ مفـزه
...................اكبر خطيه فـي لزومـه تهاونـك
والصاحب اللي صحبته بس رزه
.................مثل العدو اللي قبل ساكـتٍ عنـك
لاتجرح اشعـوره ولا تستفـزه
................وترى الكلام الشين دائـم يشينـك
واهل النفوس اللي قبل مشمئزه
.................ابعـد ظعنهـم لايقـرب ضعاينـك
وللهرج حزات وللصمت حـزه
...............ومـن لايعرفـك معرفـه مايثمنـك
وان كان عينك كل دربٍ تقـزه
...........اعرف ترى غيرك عيونـه تعاينـك