نخوة وفاء لأهل الوجيه السفيره=ولا يشاف بالميقاف يا غير رجال
فزعاتكم ياعيال وايل كبيره=وهذه من أصغرها على كل ابو حال
نطلب رساله والرساله صغيره=لا مزوده في مال ولا ناقصه مال
أنتم هل الطولات في كل ديره=أفعالكم يضرب بها عذب الأمثال
أمه لها مجداً وهيبه وسيره=من سابق التارخ والمجد مازال
أهل الفعول الطايله والشهيره=الله جعلكم للمعادين غربال
يذري ذراكم بالقصاء والجريره=ملجاء الدخيل اللي عليه الدهر مال
نلتم فخركم بالسيوف الشطيره=وعدوكم من فعلكم يجزل أجزال
من ضرب سيف العز وقت المغيره=خيالكم قالوا عن الفين خيال
كل قوم ولا عناز يأهل البصيره=رجالكم حلال نقاض فتال
وختامها والنفس تبقى جديره=على الوفاء والعز والمجد يارجال
أخوكم / سراب نجد
أبشر بعزك ياصالح فيحان العنزي ... عنزه بني وايل عزيزين