شخصية وطنية تستحق الثناء والأطراء لها أيادي
بيضاء على فئة تستحق الأهتمام في قلب الوطن
هذه المتواضعه بمناسبة حفل الجنادريه هذا العام
1433هــ
نوف بنت عبدالعزيز
يامرحبآ في بنت صقر الجزيره=بنت الشرف والعز صلفين الامجاد
بنت الأمام اللي شملنا بخيره=وصار الوطن لعياله افراح واعياد
الحفل نور ياسمو الاميره= واصبح بتشريفك له ابعاد وابعاد
شقيقة اللي للخواطر جبيره= خادم بيوت الله بلا مل واجهاد
عز الرفيق ولطم عود المغيره=روح البلد00هداج وان جاه وراد
هلا هلا يانوف ياخير سيره=هلا هلا يانوف يابنت الاسياد
نجدٍ حكت طيبك وفي كل ديره=عطفك ولطفك تعرفه روس الاشهاد
تاريخ جودك ماوقف عن مسيره=نهرٍ من الرحمه روت منه الاجواد
ياقلب صافي يانقاة السريره= عريبة الجدين في أمة هل الضاد
مكانتك فاقت مكانة أميره=مكانتك فوق الثريا لها واتاد
انا اشهد انك للزعامه جديره= والشاهد افواه ثناها بك اعتاد
كم بيت من كفك تغني مصيره= فل الحجاج وطاري الحزن ماعاد
وكم عاريٍ منك تلحف حريره= ولاهي غريبه منك يابنت الامجاد
الحوراء بنت نجد العام 1433هـــ الرياض